غوښتنه نه د تخت او نه د تاج کووم کاکا
زه ولي مرم ؟ زۀ دې لـه احتجاج كـــووم كاكا
دا ډېر خلق زمانه هم په دې خبره سوزي
چې زه د پښتنو په زړونو راج کووم کاکا
دا لپې لپې خاورې هم له دغې وجې خورمه
نه سوال کووم نه غلا کوم نه بیاج کووم کاکا
د کفر د فتوې نه پرې لګ ځان ډډې ته کومه
مونځ دلته یؤ رواج دے تش رواج کووم کاکا
دارو مې د پولئ پولئ لاسونو څه ګران نه وي
خبره د دې خوږ زړه د علاج کووم کاکا
منيره لیونیه پښتانه را یؤ کوومه
د زوړ قمیص په څوي تنړۍ کاج کووم کاکا
منير جان
Post a Comment