غزل
ماحول خراب دے خو کتاب ستاسو په لاسو کښې دے
که د غم شـــپه ده خو رباب ستاسو په لاسو کښې دے
د خوشحال خـان بابا دیوان ستاسو په لاسو کښې دے
د پښتني تهـــذیب نصـــــاب ستاسو په لاسو کښې دے
ستاسو د برخــې ټول عذاب ستاسو په لاسو کښې دے
زمونږ د برخــې ټول ثـــواب ستاسو په لاسو کښې دے
زمــــونږه رزق خو زمــــــونږه پــه قسمت کښې نۀ دے
زمــونږه رزق خـــــو جـــناب ستاسو په لاسو کښې دے
د پرونۍ ورځې حســـــاب د تاریــــخ پاڼــــو کښې دے
د سبانۍ ورځـــې حساب ستاسو په لاســــو کښې دے
شاکــــره وخـــت لـــکه جلاد نېــــــزه په لاس ولاړ دے
شاکــــره وخت لکه حــــباب ستاسو په لاسو کښې دے
Post a Comment